ელჩისა და საპატიო სტუმრის მიმართვა

ლი იენი – ჩინეთის სახალხო რესპუბლიკის საგანგებო და სრულუფლებიანი ელჩი საქართველოში

„2021 წელს ჩინეთის სახალხო რესპუბლიკის შექმნიდან 72 წელი შესრულდა, ჩინეთი ყოველმხრივ თანამედროვე და ძლიერი სოციალისტური სახელმწიფოს შექმნის გზას წარმატებით შეუდგა. 2021 წელს ჩინეთი „საერთო მომავლის მქონე საზოგადოების“ შექმნის იდეას მტკიცე ხმით აწვდის მსოფლიოს. იგი დიდი სახელმწიფოს შესაფერის პასუხისმგებლობას კისრულობს და მტკიცედ აქვს გადაწყვეტილი, ეპიდემიის დასაძლევად ყველა მხარესთან ითანამშრომლოს. მომავალ წელს ჩინეთსა და საქართველოს შორის დიპლომატიური ურთერთობების დამყარებიდან 30 წელი შესრულდება. ჩინეთი მზადაა, რომ ქართულ მხარესთან ერთად, ჩინეთისა და საქართველოს ურთიერთობებში უკეთესი ხვალინდელი დღე შექმნას“.

დავით ზალკალიანი – ვიცე-პრემიერი, საქართველოს საგარეო საქმეთა მინისტრი

„სრულიად ჩინეთის მთავრობას და ჩვენს მეგობარ ჩინელ ხალხს მსურს მოგილოცოთ ჩინეთის ეროვნული დღესასწაული – ჩინეთის სახალხო რესპუბლიკის დაარსების 72-ე საიუბილეო თარიღი. დარწმუნებული ვარ, ჩინეთი, როგორც სწრაფი განვითარებისა და ეკონომიკური წარმატების ნათელი მაგალითი კვლავ განაგრძობს პროგრესს და აღმშენებლობას საკუთარი ქვეყნის და ხალხის საკეთილდღეოდ. საქართველო განსაკუთრებულად აფასებს ჩინეთთან დღეს ჩამოყალიბებულ მეგობრულ და პარტნიორულ ურთიერთობებს, განუხრელად იცავს „ერთი ჩინეთის“ პრინციპს. მსურს ვისარგებლო შემთხვევით და მოკლედ შევეხო პანდემიის დროს ჩინეთის მხრიდან საქართველოსთვის გაწეულ დახმარებას და მადლიერება გამოვხატო ჩინეთის ხელისუფლების მიმართ. მეგობარ ჩინელ ხალხს ვუსურვებ წარმატებებს, კეთილდღეობას და ჯანმრთელობას“.

 

მილოცვები სხვადასხვა სფეროს
წარმომადგენლებისა და მეგობრებისგან

დავით საგანელიძე – სს „საპარტნიორო ფონდის“ დირექტორი, საქართველო-ჩინეთის მთავრობათაშორისი სავაჭრო და ეკონომიკური თანამშრომლობის კომისიის თავმჯდომარე

„ჩინეთმა მმართველი პარტიის ხელმძღვანელობით წარმოუდგენელ წარმატებას მიაღწია და ფართო ცვილებები განახორციელა, როგორც პოლიტიკურ, ასევე ეკონომიკურ და სოციალურ სფეროებში. ჩინეთი გახდა ერთ-ერთი ყველაზე ძლიერი, სტაბილური და მოწინავე ქვეყანა, რომელიც დღეს უკვე აქტიურად ცდილობს ზეგავლენა მოახდინოს გლობალურ კეთილდღეობაზე და მნიშვნელოვანი წვლილი შეიტანოს მსოფლიოს სხვა ქვეყნების განვითარებაშიც. მე მინდა მივულოცო ჩემ საყვარელს ჩინელ ხალხს და მმართველ ხელისუფლებას და ვუსურვო კიდევ უფრო მეტი კეთილდღეობა, წინსვლა და აღმშენებლობა“.

 

არჩილ კალანდია – საქართველოს ელჩი ჩინეთის სახალხო რესპუბლიკაში

„მივესალმები ჩვენს ჩინელ მეგობრებს და კოლეგებს და ვულოცავ ჩინეთის სახალხო რესპუბლიკის დაარსების 72-ე წლისთავს. ჩინეთი გლობალური მნიშვნელობის სახელმწიფოდ იქცა. ორმხრივი და მრავალმხრივი ურთიერთობები საქართველოსა და ჩინეთს შორის ინტენსიურად ვითარდება. საქართველოსთვის განსაკუთრებულ მნიშვნელობას წარმოადგენს „სარტყელისა და გზის“ გლობალურ ინიციატივაში კიდევ უფრო აქტიური ჩართულობა. მსურს, მადლობა გადავუხადო ჩინეთის ხელისუფლებას საქართველოს ჯანდაცვის სისტემის ქმედითი დახმარებისთვის. ვუსურვებ ჩინელ ხალხს ჯანმრთელობას, კეთილდღეობას და წინსვლას“.

 

ნინო თანდილაშვილი – საქართველოს გარემოს დაცვის და სოფლის მეურნეობის მინისტრის მოადგილე

„ჩემთვის დიდი პატივია, საქართველოს გარემოს დაცვის და სოფლის მეურნეობის სამინისტროს სახელით მოგილოცოთ ჩინეთის სახალხო რესპუბლიკის დაარსების 72-ე წლისთავი. წლების განმავლობაში, ჩინეთის სახალხო რესპუბლიკა ჩვენი ქვეყნის ძალიან მნიშვნელოვან პარტნიორს წარმოადგენს და ეს პარტნიორობა გამოიხატება სხვადასხვა სფეროში, მათ შორის სოფლის მეურნეობის მიმართულებითაც. ჩინეთის სახალხო რესპუბლიკასა და საქართველოს შორის თავისუფალი ვაჭრობის შესახებ შეთანხმება არის ერთ-ერთი პირველი შეთანხმება, რაც გაფორმდა ჩინეთის სახალხო რესპუბლიკის მხრიდან ევრაზიის ქვეყანასთან. დარწმუნებული ვარ, რომ ორ ქვეყანას შორის ორმხრივი ურთიერთობების გაღრმავება ორივე ქვეყნისთვის იქნება მნიშვნელოვანი და მოიტანს პოზიტიურ შედეგებს“.

 

გენადი არველაძე – საქართველოს ეკონომიკისა და მდგრადი განვითარების მინისტრის მოადგილე

„მოხარული ვარ, რომ მაქვს შესაძლებლობა საქართველოს მთავრობის სახელით, ჩინეთის სახალხო რესპუბლიკის მთავრობას და მის თითოეულ მოქალაქეს მივულოცო ჩინეთის სახალხო რესპუბლიკის დაარსების 72-ე წლისთავი. დიპლომატიური ურთერთობების დამყარებიდან 29 წლის განმავლობაში, საქართველოსა და ჩინეთის სახალხო რესპუბლიკას შორის ურთიერთობები დინამიურად ვითარდება მრავალი მიმართულებით, ორივე ქვეყნის უწყებებს შორის უკვე არსებობს თანამშრომლობის მიმდინარე საკითხთა განხილვის მნიშვნელოვანი ფორმატები. თავისუფალი ვაჭრობის შეთანხმებამ ახალი ბიძგი მისცა ორი ქვეყნის სავაჭრო-ეკონომიკურ ურთიერთობებს. იმედია, რომ საქართველოს, ჩინეთის სახალხო რესპუბლიკისა და საერთაშორისო თანამეგობრობის ერთობლივი ძალისხმევით, პანდემიის დასრულება უახლოეს მომავალში ხელს შეუწყობს სხვადასხვა სფეროში თანამშრომლობის კიდევ უფრო გაღრმავებას, ეკონომიკურ წინსვლასა და პროგრესს“.

 

გიორგი ამილახვარი – საქართველოს პარლამენტის ჩინეთის სახალხო რესპუბლიკის პარლამენტთან მეგობრობის ჯგუფის ხელმძღვანელი

„მინდა გულითადად მივულოცო ჩინეთის სახალხო რესპუბლიკას 72 წლის იუბილე დაარსებიდან. ჩვენ გვაკავშირებს ჩინეთთან სხვადასხვა მიმართულებით საკმაოდ კარგი და მჭიდრო თანამშრომლობა, იქნება ეს ეკონომიკის, ვაჭრობის, განათლების, კუტურის მიმართულებით. მზად ვართ, კიდევ უფრო გავაღრმავოთ ჩვენი ურთიერთობა და უკეთესი შედეგები მივიღოთ. კიდევ ერთხელ მინდა მოგილოცოთ ეს მნიშვნელოვანი იუბილე. გისურვოთ ყოველივე კარგი და იმ გამოწვევების და პრობლემების სწრაფად დაძლევა, რომელიც დაკავშირებულია პანდემიასთან და ცხადია, მინდა გისურვოთ ჯანმრთელობა და კეთილდღეობა“.

 

ჯემალ ფუტკარაძე – საქართველოს გარემოს დაცვისა და სოფლის მეურნეობის მინისტრის მრჩეველი, საქართველოს ტექნიკური უნივერსიტეტის ჩინეთის კვლევების ინსტიტუტის დირექტორი

„ჩემთვის ძალიან დიდი პატივია, რომ ამ სადღესასწაულო დღეებში ჩემს ჩინელ მეგობრებს მივულოცო ქვეყნის დაარსების, შექმნის 72-ე წლისთავი. მე ვმეგობრობ ჩინელებთან და ვიცი მათი ძალიან დიდი ბუნების შესახებ, მათი თავდადებული შრომის შესახებ, თუ როგორ 72 წლის წინ დაწყებული, გადადგმული პირველი ნაბიჯი, როგორ დიდ წარმატებად იქცა. ეს ყველაფერი ჩინელმა ხალხმა მიაღწია მმართველი პარტიის, ჩინეთის კომუნისტური პარტიის, ძალიან ბრძნული ხელმძღვანელობის შედეგად. ვრწმუნდები, თუ რა მტკიცე ნაბიჯებით, რა სწორი გზით მიდის ჩინეთი წინ ახალი გამარჯვებებისაკენ. ჩემო ჩინელო ძმებო, ჩემო ჩინელო დებო, უნდა იამაყოთ, რომ ჩინეთის, ამ დიდი ქვეყნის შვილები ხართ“.

 

ლიუ-ყანდარელი კუანგვენი – საქართველო-ჩინეთის კულტურის ცენტრის „აბრეშუმის გზა“ პრეზიდენტი

„ნება მომეცით, საქართველოში მცხოვრებ ჩინელთა ასოციაციისა და საქართველო-ჩინეთის კულტურის ცენტრ „აბრეშუმის გზის“ სახელით, მგზნებარედ მოგილოცოთ ეროვნული დღის 72-ე წლისთავი. დღეს ჩინეთი კეთილდღეობის, აყვავების და გაძლიერების გზაზეა, სადაც ხალხი ბედნიერად ცხოვრობს. ქართველების წარმოდგენაში ჩინეთი მუდამ მშვიდობისმოყვარე, ხალხზე ორიენტირებული, დიდი ცივილიზაციის მქონე ქვეყანაა. იმედია, ჩინეთი მუდამ დაიცავს სამართლიანობას, მხარს დაუჭერს სუსტ და პატარა ქვეყნებს და მაღალი ზნეობის სახელმწიფო იქნება“.

 

მარინე ჯიბლაძე – საქართველოს სინოლოგთა ასოციაციის პრეზიდენტი, თავისუფალი უნივერსიტეტის კონფუცის ინსტიტუტის დირექტორი

„საოცარი ქვეყანაა ჩინეთი. ჩინელი ადამიანი არის თავისი ქვეყნის უდიდესი პატრიოტი და იგი იცავს თავისი ქვეყნის ღირსებასა და ინტერესებს ყველგან და ყოველთვის. წარმოუდგენელია, ჩინელმა ადამიანმა დახმარების ხელი არ გაუწოდოს გაჭირვებაში მყოფ ადამიანს. არ აქვს მნიშვნელობა ეს ჩინელი იქნება თუ უცხოელი, რადგან ჰუმანურობა არის მათი ბუნების ნაწილი, ჩინური საზოგადოების უმნიშვნელოვანესი ნაწილი. მე მინდა ამ საოცარ ხალხს მივულოცო სახელმწიფოებრიობის დღესასწაული. ვუსურვო მათ ჯანმრთელობა, ბედნიერება და წარმატებები“.

 

გიორგი ვერულიძე – საქართველოს უშუს ეროვნული ფედერაციის პრეზიდენტი

„მოხარული ვარ, რომ პატივი მხვდა წილად საქართველოს უშუს ეროვნული ფედერაციის სახელით მივულოცო ჩინელ ხალხს ჩინეთის სახალხო რესპუბლიკის დაარსების 72 წლის იუბილე. ჩვენი სიყვარული და მონდომება დიდია ჩინური კულტურისა და კერძოდ, უშუს მიმართ. გულმხურვალედ გისურვებთ ბედნიერებას, მშვიდობასა და კეთილდღეობას. მინდა კიდევ ერთხელ დავადასტურო ჩემი მეგობრული განწყობა თქვენი ქვეყნისადმი და ჩემი მისწრაფება, მომავალში კიდევ უფრო განმტკიცდეს ძმური და საქმიანი ურთიერთობები ჩვენ ხალხებს შორის“.

 

ნოდარ ხარშილაძე – საქართველოს სტრატეგიული ანალიზის ცენტრის ერთ-ერთი დამფუძნებელი

„საქართველოს სტრატეგიული ანალიზის ცენტრის სახელით, ჩვენ გვინდა მივულოცოთ დღეს ჩინეთის სახალხო რესპუბლიკას 72 წლისთავი. ვუსურვოთ წარმატება, განვითარება, წინსვლა, კეთილდღეობა. ასევე ჩვენ გვინდა ვისარგებლოთ ამ შემთხვევით და მადლობა გადავუხადოთ ჩინელ ხალხს და ჩინეთის ხელისუფლებას, მის მთავრობას იმ დახმარებისთვის, რომელსაც ჩინეთის სახალხო რესპუბლიკა უწევს საქართველოს და იმედი გამოვთქვათ, რომ ჩვენ ქვეყნებს შორის არსებული ისედაც სამაგალითო თანამშრომლობა კიდევ უფრო გაღრმავდება მომავალში. კიდევ ერთხელ გილოცავთ და დიდი მადლობა“.

 

მალხაზ გულაშვილი – მედია ჰოლდინგი „ჯორჯიან თაიმსის“ პრეზიდენტი

„ჩინეთის სახალხო რესპუბლიკას ვულოცავ დაარსების 72-ე წლისთავს. ჩინეთმა შეძლო და მილიარდ 400 მილიონ მოსახლეობაში გაუმკლავდა პანდემიას, რაც მართლაც მისაბაძია. ჩინეთის კომუნისტური პარტია, რომელმაც ჩაიბარა ქვეყანა აბსოლუტურად დანაწევრებული, განადგურებული, აგრარულად ჩამორჩენილი, ინდუსტრიულად ჩამორჩენილი, მან 100 წლის განმავლობაში, შეძლო და მოახერხა ის, რომ დიდი ბრძოლის შედეგად ჯერ მოიპოვა ხელისუფლება, ხოლო შემდეგ უკვე შეუქცევადი განვითარება მისცა ქვეყანას“.

 

მიხეილ ტარახჩევი – მულტიმედია ჯგუფის „FORYOU“ დირექტორი

„72 წელი გავიდა მას შემდეგ, რაც ჩინელმა ხალხმა დაიწყო თანამედროვე ჩინური სახელმწიფოს აღმშენებლობა. მინდა აღვნიშნო უბრალო ადამიანების სახელმწიფოებრივი აზროვნების შესახებ, რაც თავის მხრივ აძლიერებს და აერთიანებს ერს! ჩინეთმა არ შეწყვიტა პარტნიორი ქვეყნების დახმარება და ყველაზე რთულ დროსაც კი (პანდემიის დროსაც კი) გამოგვიწოდა დახმარების ხელი. საჭირო არის, რომ ფორმალური და ოფიციალური მხარე გავამყაროთ და გავაღრმავოთ ხალხთაშორის მჭიდრო ურთიერთობით. გილოცავთ ერთიანობის და ჩინეთის სახალხო რესპუბლიკის ეროვნულ დღეს“.

 

უი ხუა – საქართველოში ჩინური კომპანიების სავაჭრო პალატის გენერალური მდივანი

„მინდა დიდი მადლობა გადავუხადო ჩინეთის საელჩოს, რომ ჩვენი ქვეყნის დაარსების 72 წლის იუბილის ონლაინ ფორმატში აღნიშვნის საშუალება მოგვცა. საქართველოში მძიმე ეპიდემიოლოგიური ვითარებაა, თუმცა ჩვენ გამუდმებით ვგრძნობთ ჩვენი სამშობლოს მზრუნველობასა და სითბოს. მართალია, ფიზიკურად საზღვარგარეთ ვიმყოფებით, მაგრამ გულით სამშობლოში ვართ. აუცილებლად შევინარჩუნებთ ჩვენს პოზიციას, ჩვენი დროის სირთულეებს ერთად გადავლახავთ, პრაქტიკული ქმედებებით სამშობლოსთან ერთად უკეთეს მომავალს შევეგებებით“.

 

ჩინეთის ბირთვული მრეწველობის 23-ე სამშენებლო კომპანიის საქართველოს ფილიალი

„ხანგრძლივი მსვლელობის მიუხედავად, თავდაპირველ მიზანს არ ვივიწყებთ! ჩინეთის ბირთვული მრეწველობის 23-ე სამშენებლო კომპანიის საქართველოს ფილიალის თანამშრომლები სამშობლოს მთელი გულით ვულოცავთ დაარსების 72-ე იუბილეს. ვუსურვებთ განვითარებას და აყვავებას, მუდამ აღმავლობის გზაზე სვლას“.

 

„ჩინეთის რკინიგზის 23-ე ბიუროს“ საქართველოს ფილიალი

„ჩინეთის რკინიგზის 23-ე ბიუროს“ საქართველოს ფილიალის თანამშრომლები მთელი გულით გილოცავთ ჩინეთის სახალხო რესპუბლიკის დაარსების 72-ე წლისთავს. დიად სამშობლოს ვუსურვებთ განვითარებას, აყვავებას და კეთილდღეობას“.

 

ხუნანის გზებისა და ხიდების სამშენებლო კომპანია

„ხუნანის გზებისა და ხიდების სამშენებლო კომპანიის“ E60 ჩქაროსნული ავტომაგისტრალის F2 პროექტის თანამშრომლები დიად სამშობლოს ვულოცავთ დაარსების 72-ე წლისთავს. ვუსურვებთ მუდამ განვითარებას და აყვავებას“.

 

კუიჭოუს გზების სამშენებლო კომპანია

„ჩინეთი აყვავების ხანაშია, დიდება ჩინეთს! გამარჯობა, სამშობლოვ, უბერებელო და უკვდავო! კუიჭოუს გზების სამშენებლო კომპანია და ჩინეთის სამშენებლო ტექნოლოგიების კომპანია დიად სამშობლოს უსურვებს განვითარებას, აყვავებას და მშვიდობას“.

თავისუფალი უნივერსიტეტის კონფუცის ინსტიტუტი

„თბილისის თავისუფალი უნივერსიტეტის კონფუცის ინსტიტუტი დიად სამშობლოს უსურვებს აყვავებას, კეთილდღეობასა და გაძლიერებას; მუდმივ განახლებასა და გამშვენებას; გამორჩეულ წლებს, რესურსების სიუხვესა და მოსახლეობის სიმდიდრეს! არასდროს დავივიწყებთ თავდაპირველ განზრახვას, საკუთარი პოზიციის სადარაჯოზე მტკიცედ ვიდგებით. წარმატებისკენ გზას გავიკაფავთ და მტკიცე ნაბიჯით წინ წავალთ. სამშობლოვ, გილოცავთ დაბადების დღეს“.

 

თბილისის ღია უნივერსიტეტის კონფუცის ინსტიტუტი

„პარტიის დაარსების 100 წლისთავზე ჩინეთი აყვავების ხანაშია. „ერთი სარტყელი, ერთი გზა“, ჩინური ენა დამაკავშირებელი ხიდის როლს თამაშობს. ჩინეთის სახალხო რესპუბლიკის დაარსების 72-ე წლისთავთან დაკავშირებით, თბილისის ღია უნივერსიტეტის კონფუცის ინსტიტუტი დედა-სამშობლოს უსურვებს უღრუბლო ცას, მწვანე მთას, ანკარა წყალს, ეკონომიკურ კეთილდღეობას, ხალხის ბედნიერებას, ქვეყნის გაძლიერებასა და აყვავებას“.

 

ჩინეთის ხიბლი

Join hands, for the people

Beautiful China

ვიქტორინა

Loading...

ჩინეთის სახალხო რესპუბლიკის დაარსების 72-ე წლისთავთან დაკავშირებით, ჩინეთის საელჩო საქართველოში იწვევს ქართულ საზოგადოებას ჩაერთონ საიუბილეო ღონისძიებაში. მონაწილეობის მსურველებს შეუძლიათ 15 ოტომბრამდე გამოაგზავნონ მოკლე სტატია ან მილოცვა, ისეთ თემებზე, როგორიცაა „მე და ჩინეთი“, „რა ვიცი ჩინეთის შესახებ“, „ჩინეთისადმი ჩემი სურვილები“. საუკეთესო ნამუშევრები გამოქვეყნდება საიტზე, ხოლო ავტორებს გადაეცემათ სამახსოვრო პრიზები.

    სახელი და გვარი

    ელ-ფოსტა

    წერილი